ಮೀರಿದ ಗುರುವು ದೊರೆತಾನೋ
ಹುಡುಕುವ ಬಳ್ಳಿಯು ತೊಡಕಿತು ಕಾಲಿಗೆ
ಖಡಕಾದ ಗುರುವು ಗೋವಿಂದ | ಭಟ್ಟರಿಗೆ
ಕಡುನಿಷ್ಠೆ ಶಿಷ್ಯ ದೊರೆತಾನ
ಪಾರಿವಾವಳದ ಹಿಂದೆ ಹಾರುವ ಹುಡುಗನ್ನ
ಮೀರಿದ ದೃಷ್ಟಿ ಶರಿಫನ್ನ | ಗೋವಿಂದ
ವಾರಿಗಣ್ಣಿಲೆ ನೋಡಿದ |
ಇದ್ದರ ಇರಬೇಕು ಸಿದ್ಧಿ ಲಕ್ಷ್ಯದ ಮನಸು
ಮುದ್ದು ಶರಿಫನ ತೆರದಲ್ಲಿ | ಎನ್ನುತ
ಖುದ್ದು ಶಿಷ್ಯನ್ನ ಮಾಡಿಕೊಂಡ |
ಗೋವಿಂದ ಗುರುವಿನ ಭಾವದಲಿ ಒಂದಾಗಿ
ಜೀವದಲಿ ಬೆರೆತು ಹೋಗ್ಯಾನೊ | ಶಿಶುನಾಳ
ದೇವನ ಭಕುತ ಶರಿಫನು |
ಕಳಸದ ಗುರುವಿನ ಸೆಳೆತಕ್ಕೆ ಸಿಲುಕ್ಯಾನ
ಜಳಕ ಮಾಡ್ಯಾನ ನೀರಿಲ್ದ | ಶರಿಫನ
ಬಳಕೆಯ ಬಗೆಯೇ ಬೆಡಗಿನದು |
ಗುರುವಿನ ಬೆನ್ನತ್ತಿ ತಿರುಗ್ಯಾನ ನಾಡೆಲ್ಲ
ವರವಿದ್ಯೇ ವೇದ ಆಗಮವ | ಅರಿಯುತ್ತ
ಹರಿಹರನ ಒಲುಮೆ ಗಳಿಸ್ಯಾನ |
ಹರಿಮತದ ಸಿದ್ಧಾಂತ ಹರಮತದ ತತ್ವದಲಿ
ಬೇರೆಯುತ್ತ್ತ ಮೀರಿ ಧರ್ಮವನೆ | ನಲಿದಾಡೋ
ಶರಿಫನ ನಿಲುಮೆ ಸೋಜಿಗ |
ನಡೆನುಡಿಗ ಶರಿಫನ ಬೆಡಗೇನು ಹೇಳುವುದು
ಗಡಿ ಮೀರಿ ನಿಂತ ಭಕುತಿಯು | ಗುರುಗಳಲಿ
ಮಡುವು ಗಟ್ಟಿತ್ತು ಅನುಗಾಲ |
ದೊರಕಿದ ಗೋವಿಂದ ಗುರುವಿನ ಕಾರುಣ್ಯ
ಚಿರವಾಗಿ ಪಡೆದ ವರಕವಿ | ಶಿಶುನಾಳ
ಶರಿಫನೆ ಧನ್ಯ ಭಾಗ್ಯದಲಿ |
ಗುಡಗೇರಿ ಕಲ್ಮಠದ ಪಡಸಾಲೆಯಲಿ ಕುಳಿತು
ಬೆಡಗಿನ ವಿದ್ಯೆ ಕಳಿಸಿದ | ಶರಿಫನಿಗೆ
ಒಡೆಯ ಕಳಸದ ಗೋವಿಂದ |
ಉಳಿಮುಟ್ದ ಲಿಂಗವನು ಸೆಳೆತಂದ ಗೋವಿಂದ
ಬಳಸಿ ಬೀಜವನು ಬಿತ್ತಿದ | ಭಾವದಲಿ
ಬೆಳೆದ ಅನುಭಾವದ ಸಿರಿಯನ್ನು |
ನಿನ್ನಪ್ಪ ಯಾರಂದ್ರ ನಿನ್ನಪ್ಪನವನೆ
ನನ್ನಪ್ಪ ಎಂದ ಬಾದ್ದೂರ | ಶರಿಫನು
ಬೆನ್ನತ್ತಿ ನಡೆದ ಗುರುಹಿಂದೆ |
ಹರಗಣೆ ಹೊತ್ತಿನಲಿ ವರಗುರು ನೆನೆಪಾಗಿ
ಹರಗುವ ಗಳೆಯ ಬಿಟ್ಟೋಡಿ | ಕಳಸದಲಿ
ಗುರುವನು ಕಂಡ ಶರಿಫನು |
ಬರಗಾಲಲಿ ಅವಸರಿಸಿ ವರಗುರುವ ಕಾಣಲು
ನೆರೆಜೋಡು ಕೈಲೆ ಹಿಡಕೊಂಡು | ಕಳಸದ
ಪುರಕೆ ಹೊರಟೋದ ಓಡುತ್ತ |
ಅಪ್ಪ ಶರಿಫನೆ ನೀನು ಚಪ್ಪಲಿಯ ಕೈಲಿಡಿದು
ಗಪ್ಪ ಗಡದೋಡಿ ಹೊರಟೀದಿ | ಎಲ್ಲಿಗೆ
ಗೆಪ್ತಿ ಇಲ್ಲೇನೊ ಮೈಮೇಲೆ |
ಗುರುವಿನ ತಾಣವು ಹರಗುಡಿಗೆ ಮಿಗಿಲಾದ್ದು
ಬರಿಗಾಲಲೋಡಿ ಬಂದೇನಿ | ಕಳಸವು
ವರಮುಕ್ತಿ ಕ್ಷೇತ್ರ ತನಗೆಂದ |
ದೇವರ ಗುಡಿಯಂದೆ ಭಾವಿಸುವೆ ಕಳಸವನು
ಧಾವಿಸಿ ಬರುವೆ ನನ್ನಪ್ಪ | ಗೋವಿಂದ
ಸಾವಿರದೂರ ಸರದಾರ |
ಕಳಸದ ಗೋವಿಂದ ಬೆಳೆಸಿದ ಗುರುವೆನಗೆ
ಹಳಸಲು ಮಾತು ಹರಿದಾಕಿ | ನನ್ನಪ್ಪ
ಗಳಿಸಿದ ವಿದ್ಯೆ ಉಣಿಸ್ಯಾನೊ |
No comments:
Post a Comment