ಶರಿಫ ಗಿರಿಯಲ್ಲಿ ನೆಲಿಸ್ಯಾನೋ

ಶರಿಫ ಗಿರಿಯಲ್ಲಿ ನೆಲಿಸ್ಯಾನೋ

ಗೊಂದಲಕ ಬಿದ್ದಂತ ಹಿಂದು ಮುಸ್ಲಿಮರೆಲ್ಲ 
ಒಂದಾಗಿ ಸಂತ ಶರಿಫನ | ಯಾತ್ರೆಯಲಿ 
ಮಿಂದೆದ್ರು   ಭಕ್ತಿ ಭಾವದಲಿ |

ಓಡಾಕಿ ಸಕ್ಕರೆಯ ಓದಿಸುವರೊಂದೆಡೆಗೆ 
ಸಾಧಕಗೆ ತಮಗೂ ಒಡೆಸುವರು | ಭಕುತರು 
ನಾದದಲಿ ಬೆರೆತು ಹೋಗುವರು |

ಕಾಯಿ ಕರ್ಪೂರ ತಂದು  ಮಾಯದಕ್ಕರತೆಯಲಿ
ಛಾಯೆ ಬೀರುವ ಶರಿಫನಿಗೆ | ನಮಿಸುತ್ತಾ 
ತೋಯುವರು ಭಕ್ತಿ ರಸದಲ್ಲಿ |

ಶರಿಫಗಿರಿಯಲಿವರು ಗುರುಶಿಷ್ಯರೋಂದಾಗಿ 
ಸ್ವರ ಮ್ಯಾಳದಲ್ಲಿ ನೆಲಿಸ್ಯಾರ | ಭಕ್ತರನ 
ಹರಸುವರು ವರದ ಹಸ್ತದಲಿ |

ಶರಿಫ  ಗದ್ದುಗೆ ಮ್ಯಾಲೆ ಹಿರಿಯ ಬೇವಿನ ಮರವು 
ಅರಿವಿನ ನೆರಳು ನೀಡುವುದು | ಅನುಗಾಲ
ಕರುಣೆ ಪ್ರಸಾದ ಹಂಚುವುದು |

ಶರಿಫ ಗಿರಿ ಎಂಬುದು ಪರುಷಮಣಿ ಭಕುತರಿಗೆ 
ದುರಿತವನು ದೂರ ಸರಿಸುತ್ತ  | ಅನುಭಾವದ 
ವರದ ಪ್ರಸಾದ ನೀಡುವುದು |

ಪರುಷಮಣಿ ಕಾವ್ಯವನ್ನು ಹರುಷದಲಿ ಕೇಳಿದರೆ 
ಶರಿಫ ಶಿವಯೋಗಿ ಒಲಿಯುವನು | ನೂರ್ಕಾಲ
ಹರಸಿ ಹಾರೈಕೆ ನೀಡುವನು |