ಇಲ್ಲದವರು

ಇಲ್ಲದವರು

​

ಪುಸ್ತಕ ಇಲದ ಕಾಲೇಜಿಗೆ ಬರತಾರೋ

ಬರ್ಬರ ಕೈಬೀಸಿ |

ಮನಸು ಇಲ್ಲದ ಕ್ಲಾಸಿಗೆ ಕೂಡತಾರೋ

ನಡು ನಡುವೆ ಆಕಳಿಸಿ |

​

ಪರಿವೆ ಇಲ್ಲದೆ ತಿರುಗಡತಾರೊ

ಕ್ಲಾಸ್ ರೂಂ ಸುತ್ತುಬಳಸಿ |

ಸುಮ್ಮನೆ ನಿಲ್ಲದೆ ಮಾತಾಡತಾರೊ

ಗದ್ದಲ ಎಬ್ಬಿಸಿ |

​

ಅಭಿರುಚಿ ಇಲ್ಲದೆ ವಾಚನಾಲಯಕ ಹೋಗ್ತಾರೋ

ಸುಮ್ಮಸುಮ್ಮನೆ ಗಡಬಡಿಸಿ |

ಆಸಕ್ತಿ ಇಲ್ಲದ ಪುಟ ತಿರುವತಾರೋ

ಉಗಳ ಹಚ್ಚಿ ಎಣಿಸಿ ಎಣಿಸಿ |

​

ಕ್ರಿಯೆ ಇಲ್ಲದ ಯೋಚನೆ ಹಾಕ್ತಾರೋ

ಅಭ್ಯಾಸ ಹಾಳಗೆಡಿಸಿ |

ಬರಹ ಇಲ್ಲದ ಬಡವರಾಗತಾರೊ

ಭಾಷೆಯ ಸೊರಗಿಸಿ |

​

ಎಚ್ಚರ ಇಲ್ಲದ ಸಮಯ ಕಳಿತಾರೊ

ನೂರೆಂಟು ನೆಪ ಬಳಸಿ |

ಓದು ಇಲ್ಲದ ಪರೀಕ್ಷೆ ಬರಿತಾರೋ

ಪುಟ್ಟಪೂರ ನಕಲಿಸಿ |

​

ಕಡದಳ್ಳಿ ಚಂದ್ರಗೌಡ ಮನನೊಂದು ಹೇಳ್ಯಾನೊ

ನೋಡಬೇಕು ಪರೀಕ್ಷಿಸಿ |

ಎಲ್ಲಾರು ಹಿಂಗಂತ ಬಳ್ಳಮಾಡಿ ಹೇಳೋದಿಲ್ಲ

ಮರತಬಿಡ್ರಿ ನನ್ನ ಕ್ಷಮಿಸಿ |

​