ಹಕ್ಕಿಯ ಬಳಗ ಬಿಕ್ಕುತಲಿತ್

ಹಕ್ಕಿಯ ಬಳಗ ಬಿಕ್ಕುತಲಿತ್ತೊ
ಮುಕ್ಕ ನೀರಿಗೆ ಬಾಯಿ ಬಿಡುತಲಿತ್ತೊ

ಸುಡುಬಿಸಿಲ ತಾಪದ
ಬಡಬಾನಲದಲ್ಲಿ
ಗಡಬಡಿಸಿ ನೀರ ಹುಡುಕುತಲಿತ್ತೊ
ಅಡವಿ ಆರ್ಯಾಣ
ಗಿಡಗಂಟಿ ಮರಗಳಲಿ
ಕಡುನೊಂದು ಬಾಳು ನೂಕುತಲಿತ್ತೊ

ಮನೆಮಾರು ಸುತ್ತಾಡಿ
ದಣಿವತ್ತಿ ಒದ್ದಾಡಿ
ಹನಿನೀರ ಹುಡುಕಿ ನರಳುತಲಿತ್ತೊ
ನಲ್ಲಿನಳ ಪೈಪಿನಲಿ
ಕಲ್ಲುಪಡೆ ಸಂದಿಯಲಿ
ಎಲ್ಲೆಂದರಲ್ಲಿ ತಿರುಗುತಲಿತ್ತೊ

ಬಿಸಿಗಾಳಿ ತಾಪಕ್ಕ
ದಸದಸ ತೇಕುತ್ತ
ಉಸಿರುಸಿರಿಗೆ ತಿಣುಕುತಲಿತ್ತೊ
ಪರಿಸರ ನಾಶಕ್ಕ
ಮರಮರ ಮರಗುತ್ತ
ಕೊರಗುತ ಕಾಲ ನೂಕುತಲಿತ್ತೊ!