ನಿನ್ನ ನೆನಪು ಬರಿ ನೆನಪಲ್

ನಿನ್ನ ನೆನಪು ಬರಿ ನೆನಪಲ್ಲ
ಸಾವಿರದ ಸಂಸ್ಕೃತಿಯ ಚಿತ್ರ ಶಾಲೆ

ಸಾಗರಾಳಕಿಳಿದು ಮುತ್ತು ಹೆಕ್ಕಿ ತಂದವ ನೀ
ಆಗಸದೆತ್ತರಕೇರಿ ಚುಕ್ಕೆಗಳು ಮುಕ್ಕಿ ಬಂದವ ನೀ
ನವಿಲಿಗೆ ನಾಟ್ಯ ಅರಗಿಳಿಗೆ ಮಾತು ಕಲಿಸಿದವ
ಹಂಸೆಗೆ ನಡೆ,ಲತೆಗೆ ಬಳುಕು ಬಂದದ್ದೆ  ನಿನ್ನಿಂದ...

ಮಾತಿಗೆ ಮಾತಿನ ಮತಿ ನೀಡಿದವ,
ಅಭಿನಯಕೆ ಅನುನಯದ ಗತಿಯ ಕಲಿಸಿದವ
ಭಾವ ಅನುಭಾವಕೆ ಜೀವವಾದವ......

ನೀನು ಕನ್ನಡದೊಳಗೊ
ಕನ್ನಡ ನಿನ್ನೊಳಗೊ
ಕಲೆ ಕನ್ನಡಗಳೆರಡೂ ಸಹೃದಯನೊಳಗೊ..

ಅಭಿಮಾನಿ ದೇವರೆ,
ಎನ್ನುತ್ತ ಬಾಗಿದವ, ಸಾಗಿದವ ನೀ

ನಿನ್ನ ನೆನಪು
ಬರಿ ನೆನಪಲ್ಲ...