ಬೆಳಕಿನ ದಾರಿ

​

ಬೆಳಕು ದಾರಿಯ ತೋರಿದೆ

ಒಳಗಿನೊಳಗನು ಮೀರಿದೆ

​

ಬುವಿಯ ಗಂಧಕೆ ಚಂದ್ರ ಚಂದನ

ಬೆರೆತು ಪರಿಮಳ ತೀಡಿದೆ

ಮನದ ಅಳಸಿಕೆ ಜಡದ ಜೀವಕೆ

ಹಸಿರು ಚೇತನ ಮೂಡಿದೆ

​

ಕಳೆದು ತಮವನು ತಳೆದು ಬೆಳಕನು

ಇಳೆಯ ಹಾಡನು ಹಾಡಿದೆ

ಮಳೆಯ ಸುರಿಸುತ ಕಳೆಯ ಸೂಸುತ

ಬೆಳೆಯು ರಾಶಿಯ ಕೂಡಿದೆ

​

ಬಾನ ಚುಕ್ಕೆಗೆ ಏಣಿ ಹಾಕುತ

ವರ್ಣ ಪ್ರಭೆಯನು ಹರಡಿದೆ

ಊರು ಕೇರಿಗೆ ಶಿವನ ಪುಟ್ಟಿಯ

ಸಾಲು ದೀಪದ ಹುರುಡಿದೆ

​

ಒಲವಿನೊಲವಿಗೆ ಪ್ರೀತಿ ಸಲುಗೆಗೆ

ಜನವು ತಲೆಯನು ತೂಗಿದೆ

ಪ್ರಣತಿ ಪ್ರಣತಿಗೆ ದೀಪ ಉರಿಸುತ

​ಪ್ರಾಣವ ರೂಪವ ತಾಳಿದೆ

​chandragouda kulkarni