ಮೊದಲಿಗೆ ವಂದಿಸುವೆ
ಮೊದಲಿಗೆ ವಂದಿಸುವೆ ತೊದಲಿನ ನುಡಿಗಳಲಿ
ಹದವಾದ ಚಿತ್ತ ನೀಡೆನಗೆ | ಗಣಪತಿಗೆ
ಚದುರ ಭಾರತವ ರಚಿಸಲು |1|
ಗಣಪ್ತಿಯೆ ನಿನಗಿಂದು ಹಣೆಮಣಿದು ವಂದಿಸುವೆ
ಗುಣ ಭರಿತ ಕಾವ್ಯ ಭಾರತವ | ರಚಿಸಲು
ಅನುಮತಿಯ ನೀಡು ಪ್ರೀತಿಯಲಿ |2|
ವ್ಯಾಸಯಿಡಿ ಭಾರತವ ದೋಷಗಳು ಇರದಂತೆ
ಸೋಶಿದಕ್ಷರದಿ ಮೂಡಿಸಿದ | ಗಣಪತಿಯೆ
ಸಾಸಿರ ನಮನ ಸಲ್ಲಿಸುವೆ |3|
ಕೌರವ ಪಾಂಡವರ ಭಾರತದ ಹಿರಿ ಕತೆಯ
ಸಾರ ಸೌರಭವ ಹಿಡಿದಿಡುವ | ಸಹಸಕೆ
ಗೌರಿ ಪುತ್ರನೆ ವರನೀಡು |4|
ಹದಿನೆಂಟು ಪರ್ವದಲಿ ಚದುರೊಇದ ಭಾರತಕೆ
ಸದರದಲಿ ತೆಕ್ಕೆ ಬಿದ್ದಿರುವೆ | ಗಣಪತಿಯೆ
ಹೆದರಿಕೆಯ ಹರಿದು ಬೀಸಾಕು |5|
ಭಾರತದ ಕತೆಯೆಂಬ ಘೋರ ಅಡವಿಯ ಹೊಕ್ಕು
ಪಾರಾಗೊ ಜಾಣ್ಮೆ ನೀಡುವ | ಗಣಪತಿಗೆ
ನೂರೊಂದು ನಮನ ಸಲ್ಲಿಸುವೆ |6|
ಲೊಕ ವಿದ್ಯೆಯ ನೀಡಿ ಸಾಕಿ ಸಲುಹಿದ ತಾಯೆ
ಮೂಕನಲೂ ಕನಸು ಬಿತ್ತುವ | ಸರಸತಿಯೆ
ತೂಕದ ಶಬ್ದ ನೀಡೆನಗೆ |7|
ಕರದಿ ವೀಣೆಯ್ ಅಹಿಡಿದು ಸರದಿಯಲೆಗಳ ಮಿಡಿದು
ಧರಣಿ ಆಗಸದ ತುಂಬೆಲ್ಲ | ಹಬ್ಬಿಸುವ
ಸರಸತಿಗೆ ಮಣಿದು ವಂದಿಸುವೆ |8|
ಹಿರಿದಾದ ಕತೆಯನ್ನು ಕಿರಿದಾದ ತ್ರಿಪದಿಯಲಿ
ಸೆರೆ ಹಿಡಿಯ ಹೊರಟ ಈ ನಿನ್ನ | ಕುವರನಿಗೆ
ವರನೀಡು ತಾಯೆ ಸರಸತಿಯೆ |9|
ಆಗಾಗ ಬರೆದಿಟ್ಟ ರಾಗದ ತ್ರಿಪದಿಗಳು
ಯೋಗದ ಬಂಧಕಳವಡಿಸು | ಸರಸತಿಯೆ
ಬಾಗಿ ವಂದಿಸುವೆ ವಿನಯದಲಿ |10|
ಕಂದನ ತಪ್ಪುಗಳ ಕುಂದೆಂದು ತಿಳಿಯದೆ
ಅಂದದಲಿ ಪದವ ಅಣಿಗೊಳಿಸು | ಸರಸತಿಯೆ
ವಂದಿಸುವೆ ನಿನಗೆ ಮೊದಲಿಗೆ |11|
ಕಾಡಡವಿ ಭಾರತದ ಗೂಡವನು ಕೆತ್ತಲು
ಜೋಡು ಪದಗಳನು ಹೊಳೆಯಿಸು | ಸರಸತಿಯೆ
ಬೇಡುವೆನು ನಿನಗೆ ಮೊದಲಿಗೆ |12|
ಜೇಡನ ಬಲೆಯಂತೆ ನಾಡೆಲ್ಲ ಹಬ್ಬಿರುವ
ಗೂಢ ಭಾರತದ ಕತೆ ಮೂಲ | ಸೂತ್ರದ
ಜಾಡು ತೋರಿಸು ಸರಸತಿಯೆ |13|
ಕಡದಳ್ಲಿ ಕಿರಿ ಕವಿಯು ದೃಢವಾದ ಭಾವದಲಿ
ಮೃಢ ಹರನ ರೂಪ ಕಲ್ಮೇಶ | ಗೊಂದಿಸುತ
ಬಿಡದೆ ಪಡೆದಿಹನು ಕೃಪೆಯನ್ನು |14|
ಚಂದದ ಕತೆಗಿಷ್ಟು ಕುಂದು ಬಾರದ ಹಾಗೆ
ಮುಂದು ಮುಂದಕ್ಕೆ ಕೈಹಿಡಿದು | ಮುನ್ನಡೆಸು
ವಂದಿಸುವೆ ನಿನಗೆ ಕಲ್ಮೇಶ |15|
ಅತ್ತಲಿತ್ತಲುಯೆತ್ತ ಚಿತ್ತ ಹರಿಯ ಹಾಗೆ
ಮುತ್ತು ಮಣಿ ಶಬ್ದ ಹೊಳೆಯಿಸು | ಕಲ್ಮೇಶ
ಮೊತ್ತ ಮೊದಲಿಗೆ ವಂದಿಸುವೆ |16|
ಅಚ್ಚ ಗಣ್ಣಡ ನುಡಿಯ ಹೊಚ್ಚಹೊಸ ಭಾವದಲಿ
ಮೆಚ್ಚಿ ಭಾರತದ ಕತೆಯನ್ನು | ಹೇಳುವ
ಕೆಚ್ಚನ್ನು ತುಂಬು ಸಿರಿದೇವಿ |17|
Sent from http://bit.ly/hsR0cS
No comments:
Post a Comment