ಮಾಡಿದೆನೆನ್ನದ ಬಸವ
ಕೂಡಲ ಸಂಗನ ಮುಟ್ಟಿ ಪೂಜಿಸಿ
ಹುಟ್ಟನುಗೆಟ್ಟ ಬಸವ !
ಗುರುಲಿಂಗೆರಡಕು ವಂಚನೆಗೈಯದೆ
ತನುಮನ ಕೊಟ್ಟನು ಬಸವ !
ಮಹಾಮನೆಯಲ್ಲಿ ಓಗರವಿಕ್ಕುತ
ಮಾಡಿದೆನೆನ್ನದ ಬಸವ !
ಲಿಂಗದ ಸ್ಮರಣೆ ಘನಘನವಾದರು
ಮನಕಿರಿದೆನ್ನದ ಬಸವ !
ಮಂತ್ರಿ ಮಹೋದಯ ಭಕ್ತಿಭಂಡಾರಿ
ವಿನಯವ ಮೆರೆದ ಬಸವ !
ಕಕ್ಕಯ ಚನ್ನಯ ದಾಸನ ಮನೆಯಲು
ಭಿಕ್ಷೆಯ ಬೇಡಿದ ಬಸವ !
ವೇದವೇದಾಂಗದ ನಾದವ ತೊರೆದು
ಸೂಳ್ನುಡಿ ನುಡಿದನು ಬಸವ !
ಪರಧನ ಬಯಸದ ಪರಸತಿಗೆಳಸದ
ಛಲವನು ಮರೆದ ಬಸವ !
ಚಂದ್ರಗೌಡ ಕುಲಕರ್ಣಿ
೯೪೪೮೭೯೦೭೮೭
No comments:
Post a Comment