ಬನರಾಮನ ಹಂಗು
ವ್ಯಾಸಗುರುಗಳೆ ಹೊಗಳಿದರಲ್ಲ
ದಾಸರು ಎಂದರೆ ಇವರೆಂದು !
ಶಿನಪ್ಪನಲ್ಲದೆ ಯಾರಿಗೂ ಸಿಗದು
ಇಂತಹ ಭಾಗ್ಯವು ಎಂದೆಂದು !
ಪೂರ್ವಾಶ್ರಮದಿ ಲೋಭಿತನದಲಿ
ಸಂಪತ್ತಿನಾಸೆಗೆ ಬಿದ್ದವರು !
ಬಲು ಅಪರೂಪ ಭವಸಾಗರವನು
ಈಜುತ ಈಜುತ ಗೆದ್ದವರು !
ಗೋಪಾಳ ಪುಟ್ಟಿ ಹಿಡಿಸಿದಳೆಂದು
ಕೊಂಡಾಡಿದರು ಹೆಂಡತಿಗೆ !
ಕೀರ್ತನ ರಚಿಸಿ ಗೌರವ ಕೊಟ್ಟರು
ಸಾವಿರದಂತಹ ಸಂತತಿಗೆ !
ನೀನ್ಯಾಕೆನ್ನುತ ನಾಮದ ಬಲದಿ
ರಾಮನ ಹಂಗನೆ ತೊರೆದವರು !
ಹಾಳು ಮಾಡಲಿ ಬೇಡಿರಿ ಎನ್ನುತ
ಮಾನವ ಜನ್ಮವ ಪೊರೆದವರು !
ಶರಣರ ವಚನದ ಸತ್ವವ ಸೇರಿಸಿ
ಉಗಾಭೋಗವ ಬರೆದವರು !
ಒಂಬತ್ ಕೋಟಿಗೆ ಒಡೆಯರಾದರೂ
ತಿರುಪೆ ಭಿಕ್ಷೆಗೆ ಅಲೆದವರು !
೨೭-೦೫-೨೦೨೦
No comments:
Post a Comment