ಅಕ್ಷರ ಮೇರು - ೨

ಅಕ್ಷರ ಮೇರು

ಬಾವನ್ ಬೆಟ್ಟದ ಹಣೆ ಸಿಂಗರಿಸಿದ

ಶಿಲ್ಪಿ ಅಕ್ಷರ ಮೇರು !

ಪುಷ್ಕರ ಚಕ್ರದ ಉಬ್ಬು ಶಿಲ್ಪವು

ಕಾಲ ಅವಧಿಯ ತೇರು !

ಕಲ್ಲು ಬರಹದಿ ಮೂಡಿ ನಿಂತಿವೆ

ಸುಂದರ ಹತ್ತು ಸಾಲು !

ಕನ್ನಡ ನಾಡಿನ ಕಪ್ಪೆ ಅರಭಟ

ವೀರನ ವರ್ಣನೆ ಪಾಲು !

ನಾಲಿಗೆ ತುದಿಯಲಿ ನಲಿದು ಆಡುವ

ಬೆಡಗಿನ ತ್ರಿಪದಿ ಗಂಗೆ !

ಅಗಸ್ತ್ಯ ತೀರ್ಥದ ತೆರೆಗಳಲುಕ್ಕಿದೆ

ಅಮೃತ ಜಲದ ತುಂಗೆ !

ದಾಮೋದರನು ಶಿಲ್ಪಿಗನಲ್ಲದೆ

ಕವಿ ಲಿಪಿಕಾರನು ಹೌದು !

ಮೆಚ್ಚುವರೆಲ್ಲರು ತ್ರಿಪದಿ ಒಡಲಿನ

ಅದ್ಭುತ ಕಲ್ಪನೆ ಮೇಯ್ದು !

ಬೆಸಗೊಂಡಿಹವು ಭಿನ್ನವಿಲ್ಲದೆ

ಮಾರ್ಗ ದೇಸಿಗಳೆರಡು !

ಅಮರವಾದ ಶಾಸನ ಕಂಡು

ಹೆಮ್ಮೆ ಪಡುವುದು ನಾಡು !

ಚಂದ್ರಗೌಡ ಕುಲಕರ್ಣಿ

೨೪-೦೫-೨೦೨೦

ಕನ್ನಡ ಪರಂಪರೆ - ೧

ಕನ್ನಡ ಪರಂಪರೆ

ಕನ್ನಡ ಜನಪದ ಬೇರನು ಅಗೆಯಲು

ದೇಸಿಗರೊಂದಿಗೆ ಒಡನಾಡು !

ಚಂದದ ತ್ರಿಪದಿಯ ಸೊಗಡನು ಬಗೆಯಲು

ಬಾದಾಮಿ ಬಂಡೆಯ ಹಣೆನೋಡು !

ಶಾಸನ ಚರಿತೆಯ ಹಳಮೆಯ ತಿಳಿಯಲು

ನಾಡಿನ ಉದ್ದಕೂ ಅಲೆದಾಡು !

ನಾಡು ನುಡಿಗರ ಜಾಣ್ಮೆಯ ಸವಿಯಲು

ವಿಜಯನ ಮಾರ್ಗದ ಬಗೆನೋಡು !

ತಾಯ್ನುಡಿ ಪೆಂಪಿನ ಕಂಪಲಿ ಮುಳುಗಲು

ಪಂಪನ ಕಾವ್ಯದಿ ಈಜಾಡು !

ಸಬ್ದ ಭಾಂಡಾರದ ಮುದ್ರೆಯ ಒಡೆಯಲು

ಗದಾಯುದ್ಧದಿ ಬಡಿದಾಡು !

ಸ್ಥಾವರ ಸಳಿದು ಜಂಗಮವಾಗಲು

ಶರಣರ ವಚನದಿ ಓಲಾಡು !

ರಗಳೆ ಷಟ್ಪದಿ ಬೆಡಗಲಿ ಮೀಯಲು

ರಾಘವ ಹರಿಹರೊಡಗೂಡು !

ಕುಮಾರವ್ಯಾಸನ ಪದಪದ ಸವಿಯಲು

ಭಾರತ ಕತೆಯಲಿ ನಲಿದಾಡು !

ಬಯಲಿಗ ಅಲ್ಲಮ ಬೆಡಗನು ಬಿಡಿಸಲು

ಚಾಮರಸನಿಗೆ ತಲೆಬಾಗು !

ರತ್ನಾಕರನ ಶಿಖರವನೇರಲು

ಭರತೇಶನಲಿ ಒಂದಾಗು !

ಜೈಮಿನಿ ಕಥನದ ನಾದದಿ ಮುಳುಗಲು

ಲಕುಮೀಶನಿಗೆ ಶರಣಾಗು !

ಕನಕಪುರಂದರ ಭಕುತಿಯ ಸವಿಯಲು

ಕೀರ್ತನ ಗಾನಕೆ ದನಿಗೂಡು !

ಮಾತು ಮಾತಿನ ಮರ್ಮವನರಿಯಲು

ಸರ್ಜಜ್ಞ ವಚನವನೊಡಗೂಡು !

ಅನುಭಾವ್ದ ಹಾಡಲಿ ಲೀನವಾಗಲು

ಮಹಾಂತ ಗುಡ್ಡದಿ ಅಲೆದಾಡು !

ತತ್ವಪದದ ನಾದದಿ ಮುಳುಗಲು

ಶರೀಫಗಿರಿಯೆಡೆ ಮುಖಮಾಡು !

ಆಟಬಯಲಾಟದ ಸೊಗಸಲಿ ಇಳಿಯಲು

ಜಾತ್ರೆಜಾತ್ರೆಗೆ ಅಲೆದಾಡು !

ಯಕ್ಷಗಾನದ ಮದ್ದಲೆ ಆಲಿಸಿ

ಮಲೆಘಟ್ಟದಲಿ ತಿರುಗಾಡು !

ಗಾರುಡಿ ವರಕವಿ ದತ್ತನ ಕೂಡಲು

ಸಾಧನಕೇರಿಯ ಸುತ್ತಾಡು !

ವಿಚಾರ ಕ್ರಾಂತಿಯ ಯುಗಕವಿ ಬೆರೆಯಲು

ದರ್ಶಿಸು ತಪ್ಪದೆ ಮಲೆನಾಡು !

ಬೆಟ್ಟದ ಜೀವ ಮಣ್ಣಿಗೆ ಮರಳಲು

ಕಾರಂತರಕೈ ಹಿಡಿದಾಡು !

ಮಾಯಾಲೋಕದ ವಿಸ್ಮಯಕಿಳಿಯಲು

ನಿರುತ್ತರದಲಿ ಓಡಾಡು !

ಚಂದ್ರಗೌಡ ಕುಲಕರ್ಣಿ

೨೭-೦೫-೨೦೨೦

ಕಾಮನಬಿಲ್ಲು

ಬಾನಲಿ ಮೂಡಿದ ಕಾಮನಬಿಲ್ಲು
ಮಳೆಹನಿಯಲ್ಲಿ ನೆಂದು!
ಗಿಡಮರಬಳ್ಳಿ ಹೂವುಗಳಲ್ಲಿ
ಅರಳಿ ನಿಂತಿವೆ ಇಂದು !

ಸಿಡಿಲಿಗೆ ಅದುರಿದ ಕಾಮನಬಿಲ್ಲು
ನವಿಲಿನ ಗರಿಯಲಿ ಬೆರೆತು !
ಸಾವಿರ ಕಣ್ಣಲಿ ಹೊಳೆಯುತ್ತಿರುವುದು
ಆಗಸ ಲೋಕವ ಮರೆತು !

ಬಿಸಿಲಿಗೆ ಕರಗಿದ ಕಾಮನಬಿಲ್ಲು
ಸೇರಿ ಪಾತರಗಿತ್ತಿ !
ಹೂಹೂ ಬನದಲಿ ಅಲೆಯುತ್ತಿರುವುದು
ರೇಶಿಮೆ ಹೊಳಪಿನ ಜ್ಯೋತಿ !

ಚಳಿಯಲಿ ಚದುರಿದ ಕಾಮನಬಿಲ್ಲು
ಮಕ್ಕಳ ಕನಸನು ಸೇರಿ
ನೆಲಮುಗಿಲುದ್ದಕು ವಿಸ್ಮಯ ಸೇತುವೆ
ಕಟ್ಟಿದೆ ಭಾರಿಭಾರಿ !






















ಮಕರ ಸಂಕ್ರಮಣ

ಹಸಿರು ಪೈರಿನ ತೆನೆಯು ತೂಗಿತು
ನೆಲದ ಬಂಡನು ಸವಿಯುತ !
ಪ್ರಾಣಿ ಪಕ್ಷಿಗಳುಂಡು ತಣಿದವು
ತಾಯಿ ಪ್ರೀತಿಯ ನೆನೆಯುತ !

ಗಾಢ ಚಳಿಯದು ಕರಗಿ ಸರಿಯಿತು
ಸೂಸು ಬಿಸಿಲನು ಚಲ್ಲುತ !
ರವಿಯ ಕುಡಿಗಳು ಚಾಚಿ ಮೆರೆದವು
ಬಿಸಲ ಬೇಗೆಯ ಉಸುರುತ !

ಬರಡು ಭಾವದಿ ಚಿಮ್ಮಿ ಚೇತನ
ಕಾವ್ಯ ಹೊನಲನು ಹರಿಸಿತು !
ಕವಿತೆ ಸೊಗಸದು ಲಯದಿ ಹೊಮ್ಮುತ
ರುಚಿಯ ಹಿರಿಮೆಯ ಮೆರೆಸಿತು !

ಹಾಡು ಹಕ್ಕಿಯ ಮಧುರ ಗಾನವು
ಬರೆದು ಬಿಟ್ಟಿತು ಮುನ್ನುಡಿ !
ಎಳ್ಳು ಬೆಲ್ಲದ ಸವಿಯು ಹರಡಿತು
ತಾಯಿ ಒಲುಮೆಯ ಜೇನ್ನುಡಿ !

ಹಳತು ಹೊಸತನು ಬೆಸೆವ ಹಬ್ಬವು
ಖುಷಿಯ ತಂದಿತು ನಾಡಿಗೆ !
ಮಕರ ಸಂಕ್ರಮಣೊಲವು ಹಬ್ಬಿತು
ಮನುಜ ಹೃದಯದ ಬೀಡಿಗೆ !











ಚುಕ್ಕೆ ಗೆಳೆತನ !

ಚುಕ್ಕೆಗಳೆಲ್ಲ ನೆಲಕೆ ಇಳಿದು
ಗೆಳೆಯರಾಗಿ ಬಿಟ್ರೆ !
ಕತ್ತಲೆ ಹೆದರಿಕೆ ಇಲ್ಲವೆ ಇಲ್ಲ
ಕರೆಂಟ ಕೈಯ ಕೊಟ್ರೆ !

ನಮ್ಮ ಜೊತೆಯಲಿ ದಿನವೂ ಬರಲಿ
ಶಾಲೆಯ ಯುನಿಫಾರ್ಮ ತೊಟ್ಟು !
ಮನೆಮನೆಯಲ್ಲಿ ಉಳಿಸ್ಕೊತೀವಿ
ಪ್ರೀತಿ ಗೌರವ ಕೊಟ್ಟು !

ಬೆನ್ನಿಗೆ ಭಾರದ ಚೀಲವ ಹೊತ್ತು
ಅರಿಯಲಿ ನಮ್ಮ ಕಷ್ಟ !
ಕೂಡಿ ಆಡುತ ತೊರೆಯಲಿ ತಮ್ಮ
ತಾರಾಲೋಕದ ಪಟ್ಟ !

ಶಾಲೆ ಮಕ್ಕಳ ಸಾಲಲಿ ನಿಂತು
ಮಾಡಲಿ ಮಧ್ಯಾಹ್ನ ಊಟ !
ಒರಟು ಕಲ್ಲಿನ ನೆಲದಲಿ ಕೂತು
ಕೇಳಿ ಮಾಸ್ತರ ಪಾಠ !

ವಾರ್ಷಿಕ ಪರೀಕ್ಷೆಯಲ್ಲಿ ಕೂತು
ಗಳಿಸಲಿ ಹೆಚ್ಚಿನ ಅಂಕ !
ಸ್ಪರ್ಧೆಯಿಂದ ಕಸಿದುಕೊಳ್ಳಲಿ
ಗೆಳೆಯರ ಮೊದಲನೆ ರ್‍ಯಾಂಕ !












ಏಳ್ಗೆ ಮಂತ್ರ !

ಅಂಜಿ ನಿಂತ್ರೆ ನೌಕೆ ದಡಕೆ
ಸೇರಲಾರದು ಎಂದಿಗು !
ಯತ್ನ ಮಾಡುತಿರುವ ವ್ಯಕ್ತಿ
ಸೋತುದಿಲ್ಲ ಇಂದಿಗು !

ಕಚ್ಚಿ ಕಾಳು ಹಿಡಿದ ಇರುವೆ
ಗೋಡೆ ಏರುವಾಗಲು !
ನೂರು ಬಾರಿ ಜಾರಿ ಬಿದ್ರು
ಹಿಂದೆ ಸರಿಯಲಾರದು !

ಸಾಗರಾಳದಲ್ಲಿ ಮುಳುಗಿ
ಏಳುತಿರುವ ಈಜುಗ !
ಮುತ್ತು ರತ್ನ ಹೆಕ್ಕಿ ತಂದು
ಪಡುವ ತಾನೆ ಸೋಜಿಗ !

ಹತ್ತು ನೂರು ಬಾರಿ ಬಂದ್ರು
ಹೆದರಬೇಡ ಸೋಲಿಗೆ !
ಕೊರತೆ ಅರಿತು ನಿದ್ರೆ ತೊರೆದು
ನುಗ್ಗು ಜಯದ ದಾರಿಗೆ !

ಮಾಡದೇನು ಸುಮ್ಮನಿದ್ರೆ
ಸಿಗದು ಜಯದ ತಂತ್ರವು !
ಸತತ ಯತ್ನ ಮಾಡಬೇಕು
ಇದುವೆ ಏಳ್ಗೆ ಮಂತ್ರವು !

ಕಾಮನಬಿಲ್ಲು

ಬಾನಲಿ ಮೂಡಿದ ಕಾಮನಬಿಲ್ಲು
ಮಳೆಹನಿಯಲ್ಲಿ ನೆಂದು!
ಗಿಡಮರಬಳ್ಳಿ ಹೂವುಗಳಲ್ಲಿ
ಅರಳಿ ನಿಂತಿವೆ ಇಂದು !

ಸಿಡಿಲಿಗೆ ಅದುರಿದ ಕಾಮನಬಿಲ್ಲು
ನವಿಲಿನ ಗರಿಯಲಿ ಬೆರೆತು !
ಸಾವಿರ ಕಣ್ಣಲಿ ಹೊಳೆಯುತ್ತಿರುವುದು
ಆಗಸ ಲೋಕವ ಮರೆತು !

ಬಿಸಿಲಿಗೆ ಕರಗಿದ ಕಾಮನಬಿಲ್ಲು
ಸೇರಿ ಪಾತರಗಿತ್ತಿ !
ಹೂಹೂ ಬನದಲಿ ಅಲೆಯುತ್ತಿರುವುದು
ರೇಶಿಮೆ ಹೊಳಪಿನ ಜ್ಯೋತಿ !

ಚಳಿಯಲಿ ಚದುರಿದ ಕಾಮನಬಿಲ್ಲು
ಮಕ್ಕಳ ಕನಸನು ಸೇರಿ
ನೆಲಮುಗಿಲುದ್ದಕು ವಿಸ್ಮಯ ಸೇತುವೆ
ಕಟ್ಟಿದೆ ಭಾರಿಭಾರಿ !






















ಮಕರ ಸಂಕ್ರಮಣ

ಹಸಿರು ಪೈರಿನ ತೆನೆಯು ತೂಗಿತು
ನೆಲದ ಬಂಡನು ಸವಿಯುತ !
ಪ್ರಾಣಿ ಪಕ್ಷಿಗಳುಂಡು ತಣಿದವು
ತಾಯಿ ಪ್ರೀತಿಯ ನೆನೆಯುತ !

ಗಾಢ ಚಳಿಯದು ಕರಗಿ ಸರಿಯಿತು
ಸೂಸು ಬಿಸಿಲನು ಚಲ್ಲುತ !
ರವಿಯ ಕುಡಿಗಳು ಚಾಚಿ ಮೆರೆದವು
ಬಿಸಲ ಬೇಗೆಯ ಉಸುರುತ !

ಬರಡು ಭಾವದಿ ಚಿಮ್ಮಿ ಚೇತನ
ಕಾವ್ಯ ಹೊನಲನು ಹರಿಸಿತು !
ಕವಿತೆ ಸೊಗಸದು ಲಯದಿ ಹೊಮ್ಮುತ
ರುಚಿಯ ಹಿರಿಮೆಯ ಮೆರೆಸಿತು !

ಹಾಡು ಹಕ್ಕಿಯ ಮಧುರ ಗಾನವು
ಬರೆದು ಬಿಟ್ಟಿತು ಮುನ್ನುಡಿ !
ಎಳ್ಳು ಬೆಲ್ಲದ ಸವಿಯು ಹರಡಿತು
ತಾಯಿ ಒಲುಮೆಯ ಜೇನ್ನುಡಿ !

ಹಳತು ಹೊಸತನು ಬೆಸೆವ ಹಬ್ಬವು
ಖುಷಿಯ ತಂದಿತು ನಾಡಿಗೆ !
ಮಕರ ಸಂಕ್ರಮಣೊಲವು ಹಬ್ಬಿತು
ಮನುಜ ಹೃದಯದ ಬೀಡಿಗೆ !











ಚುಕ್ಕೆ ಗೆಳೆತನ !

ಚುಕ್ಕೆಗಳೆಲ್ಲ ನೆಲಕೆ ಇಳಿದು
ಗೆಳೆಯರಾಗಿ ಬಿಟ್ರೆ !
ಕತ್ತಲೆ ಹೆದರಿಕೆ ಇಲ್ಲವೆ ಇಲ್ಲ
ಕರೆಂಟ ಕೈಯ ಕೊಟ್ರೆ !

ನಮ್ಮ ಜೊತೆಯಲಿ ದಿನವೂ ಬರಲಿ
ಶಾಲೆಯ ಯುನಿಫಾರ್ಮ ತೊಟ್ಟು !
ಮನೆಮನೆಯಲ್ಲಿ ಉಳಿಸ್ಕೊತೀವಿ
ಪ್ರೀತಿ ಗೌರವ ಕೊಟ್ಟು !

ಬೆನ್ನಿಗೆ ಭಾರದ ಚೀಲವ ಹೊತ್ತು
ಅರಿಯಲಿ ನಮ್ಮ ಕಷ್ಟ !
ಕೂಡಿ ಆಡುತ ತೊರೆಯಲಿ ತಮ್ಮ
ತಾರಾಲೋಕದ ಪಟ್ಟ !

ಶಾಲೆ ಮಕ್ಕಳ ಸಾಲಲಿ ನಿಂತು
ಮಾಡಲಿ ಮಧ್ಯಾಹ್ನ ಊಟ !
ಒರಟು ಕಲ್ಲಿನ ನೆಲದಲಿ ಕೂತು
ಕೇಳಿ ಮಾಸ್ತರ ಪಾಠ !

ವಾರ್ಷಿಕ ಪರೀಕ್ಷೆಯಲ್ಲಿ ಕೂತು
ಗಳಿಸಲಿ ಹೆಚ್ಚಿನ ಅಂಕ !
ಸ್ಪರ್ಧೆಯಿಂದ ಕಸಿದುಕೊಳ್ಳಲಿ
ಗೆಳೆಯರ ಮೊದಲನೆ ರ್‍ಯಾಂಕ !












ಏಳ್ಗೆ ಮಂತ್ರ !

ಅಂಜಿ ನಿಂತ್ರೆ ನೌಕೆ ದಡಕೆ
ಸೇರಲಾರದು ಎಂದಿಗು !
ಯತ್ನ ಮಾಡುತಿರುವ ವ್ಯಕ್ತಿ
ಸೋತುದಿಲ್ಲ ಇಂದಿಗು !

ಕಚ್ಚಿ ಕಾಳು ಹಿಡಿದ ಇರುವೆ
ಗೋಡೆ ಏರುವಾಗಲು !
ನೂರು ಬಾರಿ ಜಾರಿ ಬಿದ್ರು
ಹಿಂದೆ ಸರಿಯಲಾರದು !

ಸಾಗರಾಳದಲ್ಲಿ ಮುಳುಗಿ
ಏಳುತಿರುವ ಈಜುಗ !
ಮುತ್ತು ರತ್ನ ಹೆಕ್ಕಿ ತಂದು
ಪಡುವ ತಾನೆ ಸೋಜಿಗ !

ಹತ್ತು ನೂರು ಬಾರಿ ಬಂದ್ರು
ಹೆದರಬೇಡ ಸೋಲಿಗೆ !
ಕೊರತೆ ಅರಿತು ನಿದ್ರೆ ತೊರೆದು
ನುಗ್ಗು ಜಯದ ದಾರಿಗೆ !

ಮಾಡದೇನು ಸುಮ್ಮನಿದ್ರೆ
ಸಿಗದು ಜಯದ ತಂತ್ರವು !
ಸತತ ಯತ್ನ ಮಾಡಬೇಕು
ಇದುವೆ ಏಳ್ಗೆ ಮಂತ್ರವು !

ಕಳ್ಳ ಹೆಜ್ಜೆ ಚಂದ್ರ

ಕಳ್ಳ ಹೆಜ್ಜೆ ಇಟ್ಟು ಯಾರೊ
ಇಣುಕಿ ನೋಡಿದಂಗಾಯ್ತು !
ಕಿಟಕಿ ತೆರೆದು ನೋಡಿದಾಗ
ಚಂದ್ರನ ಹೂನಗು ಇತ್ತು !

ಅಯ್ಯೋ ಪಾಪ ದಿನವೂ ಭಾರದ
ಶಾಲೆ ಚೀಲ ಹೊರತಿ !
ಪಾಠ ಓದು ಲೆಕ್ಕ ಮಗ್ಗಿ
ಅಲ್ಲೆ ಗಿರಕಿ ಹೊಡಿತಿ !

ಹೋಂವರ್ಕೆಲ್ಲ ಅಲ್ಲೆ ಇರಲಿ
ಬಂದ ಬಿಡು ಸಂಗಾಟ !
ಅಪ್ಪ ಅಮ್ಮ ಯಾರೂ ಈಗ
ಮಾಡೋದಿಲ್ಲ ರಂಪಾಟ !

ನಂದನವನದ ಹೂವಲಿ ಬೆರೆತು
ಪರಿಮಳ ಸವಿಯ ನೋಡು !
ಕಿವಿಗಳೆರಡನು ತೆರೆದಿಟ್ ಕೇಳು
ಕೋಗಿಲೆ ಮಧುರ ಹಾಡು !

ಚುಕ್ಕೆ ಜೋಡಿ ನೆರಳು ಬೆಳಕಿನ
ಆಟ ಆಡು ಬೇಗ !
ರೆಕ್ಕೆ ಬಿಚ್ಚಿ ಹಕ್ಕಿಯ ಹಾಗೆ
ಬಾನಲಿ ತೇಲು ಈಗ !

ಅಮ್ಮ ಮುಟ್ಟಿ ಎಬ್ಬಿಸಿದಾಗ
ಎಂಟು ಗಂಟೆ ಹೊತ್ತು !
ಹಲ್ಲು ಉಜ್ಜುವಾಗಲು ಮನಸು
ಕನಸ ಸವಿಯುತಲಿತ್ತು !





ಆನೆ ಚಿಕ್ಕದಾಗಿ ಬಿಟ್ರೆ !

ಆನೆ ಬಾಳ ಚಿಕ್ಕದಾಗಿ
ಇರುವೆಯಾಗಿ ಬಿಟ್ರೆ !
ಒಂದೆ ಹಳಕು ಸಕ್ರೆ ಸಾಕು
ಊಟಕ್ಕಂತ ಕೂತ್ರೆ !

ಸೂಜಿಗಿಂತ ಚಿಕ್ಕದು ಬೇಕು
ಅಂಕುಶ ಮಾವುತಂಗೆ !
ಹೇಳಿದಂಗ ಕೇಳಿಸಬಹುದು
ಅತ್ತಿತ್ತ ಓಡದಂಗೆ !

ದಾರದೆಳೆಯಷ್ಟ ಕಾಣಬಹುದಾಗ
ಚಿಕ್ಕ ಆನೆ ಸೊಂಡಿಲು !
ಎಳ್ಳಕಾಳಿನಷ್ಟ ಮಿಠಾಯಿ ಚೂರು
ಕೊಡಬಹುದದಕೆ ತಿನ್ನಲು !

ಕಬ್ಬಿನ ಗಣಿಕೆ ಮುರದು ತಿನ್ನಲಿಕ್ಕೆ
ಬರದು ನೋಡು ಆಗ !
ಚೂರ್‌ಚೂರ್ ಬೆಲ್ಲ ತಿಂದು ತಿಂದು
ಬಿಡಬಹುದು ದೊಡ್ಡ ತೇಗ !

ಎಂಥ ಮಕ್ಕಳು ಹತ್ತಿ ಕೂಡಬೇಕು
ಚಿಕ್ಕ ಆನೆ ಮ್ಯಾಲ !
ಕೂದಲಷ್ಟೆ ತೆಳ್ಳಗಿರಬೇಕು
ಎರಡೂ ಕಯ್ಯಿ ಕಾಲ !

ಇಂಥ ಮಕ್ಕಳ ಶಾಲೆ ಗಾತ್ರ
ಐದು ಆರು ಇಂಚು !
ಸಾಸಿವೆ ಕಾಳಷ್ಟ ಎತ್ತರಿರತಾವ
ಕೂತುಕೊಳ್ಳುವ ಬೆಂಚು !





ಶಾಲೆ ಚೀಲ ಹೇಳಿದ್ದು!

ಅಯ್ಯೋ ಮರಿ ಇಷ್ಟೊಂದ ಭಾರ
ಹೆಂಗ ಹೊರತಿ ನೀನು !
ಪಠ್ಯ ಪುಸ್ತಕ ನೋಟಬುಕ್ಕೆಲ್ಲ
ಹತ್ತು ಹದಿನೆಂಟೂನು !

ಉಸಿರಾಡೋಕು ಆಗ್ತಾ ಇಲ್ಲ
ಹೊಟ್ಟೆ ಉಬ್ಬಿ ನಂಗೆ !
ಬಂತುಂಡ ಹಾಡಿ ಇಡತೇನಂದ್ರು
ಆಗೋದಿಲ್ಲ ಒಳಗೆ !

ಬಸ್ನಲ್ಲಿ ಹತ್ತೊ ಅವಸರದಾಗ
ಆಚೆ ಈಚೆ ಬಡಿದು !
ಮೈಕೈಯೆಲ್ಲ ನೋವಾಗತೈತಿ
ಅವ್ರು ಇವ್ರು ತಿವಿದು !

ಬೆನ್ಮೇಲಿ ಹತ್ತಿ ಕೂತಿದ್ರೂನು
ಇಲ್ಲಾ ಎಷ್ಟು ಹರುಷ !
ಯಾರ ಮುಂದೆ ಹೇಳಿಕೊಳ್ಳಲಿ
ನನಗೆ ಆಗೋ ತ್ರಾಸ !

ಬೆಂಚಿನ ಮೇಲೆ ಕೂತ್ಕೊಂಡಾಗ
ನನ್ನನು ಇಟ್ಟು ನೆಲಕ !
ಹೆಂಗಬೇಕಂಗ ಜಗ್ಗಾಡತೀದಿ
ತಗಿಲಾಕ ಒಂದೆರಡ ಪುಸ್ತಕ!

ಅಯ್ಯೋ ಮರಿ ಹಾಗೆ ನೋಡಬೇಡ
ನಿನ್ನ ಮೇಲಿಲ್ಲ ಕೋಪ !
ಶಾಲೆ ಮಾಸ್ತರ ಸರಕಾರದವರಿಗೆ
ಹಾಕುತ್ತಿರುವೆ ಶಾಪ!

ರೆಕ್ಕೆ ಇದ್ರೆ ಮಕ್ಕಳಿಗೆ !

ಹಕ್ಕಿಯಂತೆ ರೆಕ್ಕೆ ಇದ್ರೆ
ಶಾಲೆಯ ತುಂಟ ಮಕ್ಕಳಿಗೆ !
ಬಸ್ಸು ಅಟೊ ಕಾಯ್ತಿರಲಿಲ್ಲ
ಬೇಗನೆ ಬರಲು ಶಾಲೆಗೆ !

ಪುರ್ರಂತ ಹಾರಿ ಬರತಾ ಇದ್ರು
ತಪ್ಪದೆ ಸರಿಯಾದ ವೇಳೆಗೆ !
ರೆಕ್ಕೆ ಮಡಚಿ ಕೂತಿರುತಿದ್ರು
ಸಾಲು ಸಾಲಿನ ಬೆಂಚಿಗೆ !

ಮರದಲ್ಲಿ ಊಟ ಮಾಡ್ತಾ ಇದ್ರು
ಗುಬ್ಬಿ ಕೋಗಿಲೆ ಜೊತೆಯಲ್ಲಿ !
ಆಟಕೆ ಬಿಟ್ಟರೆ ತೇಲಾಡತಿದ್ರು
ಬಟ್ಟ ಬಯಲಿನ ಮುಗಿಲಲ್ಲಿ !

ಹುಡುಕಿ ಹುಡುಕಿ ಸವಿಯುತಲಿದ್ರು
ಮೆಲ್ಲಗೆ ಗೂಡಿನ ಜೇನನ್ನು !
ಗಿಳಿಮರಿ ಜೊತೆಯಲಿ ಮೆಲ್ಲುತಲಿದ್ರು
ಮಾವು ಪೇರಲ ಹಣ್ಣನ್ನು !

ಲಕ್ಷಗೊಟ್ಟು ಕೇಳುತಲಿದ್ದರು
ಎಲ್ಲ ವಿಷಯದ ಪಾಠವನು !
ಬೇಜಾರಾದ್ರೆ ಹಾರಿಬಿಡತಿದ್ರು
ತಪ್ಪಿಸಿ ಎಲ್ಲಾ ಕ್ಲಾಸನ್ನು !















ಚುಕ್ಕಿ ಚಂದ್ರರ ಕಣ್ಮುಚ್ಚಾಲೆ !

ಹುಣ್ಣಿಮೆ ಚಂದ್ರ ದಿನದಿನ ತಪ್ಪದೆ
ಬೆಳದಿಂಗಳಾಗಿ ನಕ್ರೆ !
ಹಟವ ಮಾಡದೆ ಮಕ್ಕಳು ಉಣುವರು
ತುಪ್ಪ ಹಾಲು ಸಕ್ರೆ !

ಚುಕ್ಕಿ ಚಂದ್ರರು ಕಣ್ಮುಚ್ಚಾಲೆ
ಆಡುವುದನ್ನು ನೋಡಿ !
ಹರುಷದಿಂದಲಿ ಕುಣಿವರು ಮಕ್ಕಳು
ತುಂಟ ಗೆಳೆಯರ ಜೋಡಿ !

ಭೂಮಿ ಆಗಸ ಆಗಸ ಭೂಮಿ
ಒಂದ್ರಲ್ಲೊಂದು ಬೆರೆತು !
ಸೇರುವರೆಲ್ಲರು ಅಂಗಳದಲ್ಲಿ
ದೊಡ್ಡವರೆಂಬುದ ಮರೆತು !

ಆಡುತ ಆಡುತ ದಣಿದ ಮಕ್ಕಳು
ಕಾಣುತ ಸುಂದರ ಕನಸು !
ನಿದ್ದೆ ಮಾಡುತ ಮರೆತು ಬಿಡುವರು
ಗೆಳೆಯರ ಮೇಲಿನ ಮುನಿಸು !

ಸ್ವರ್ಗ ಲೋಕ ನಂದನವನದ
ಹೂವು ಹೂವುಗಳು ಅರಳಿ!
ನೆಲಮುಗಿಲಲ್ಲಿ ಸೂಸುತ್ತಿರುವವು
ಪರಿಮಳ ತುಂಬಿದ ಗಾಳಿ !















ಏಕೊ ಏನೊ ಗೊತ್ತಿಲ್ಲ !

ಏಕೊ ಏನೊ ಗೊತ್ತಿಲ್ಲ
ಇಂದಿಗೂ ಅದನು ಮರೆತಿಲ್ಲ !
ಏಳು ಸಮುದ್ರ ಬೆಟ್ಟವ ಹಾರಿದ
ರಾಜಕುಮಾರನ ಮರೆತಿಲ್ಲ !

ಮಲ್ಲಿಗೆ ತೂಕದ ರಾಜ್‌ಕುಮಾರಿ
ಮರಳಿ ತಂದುದು ಮಾಸಿಲ್ಲ !
ಮಾಟಗಾತಿಯು ಏಳೆಡೆ ಸರ್ಪದ
ರತ್ನವ ಕದ್ದುದ ಮರೆತಿಲ್ಲ !

ಮಂತ್ರದ ಕಂಬಳಿ ಮುಗಿಲಲಿ ತೇಲುತ
ಮಾಡಿದ ಮೋಡಿಯು ಮಾಸಿಲ್ಲ !
ಕೀಲು ಕುದುರೆಯ ಕತೆಯನು ಕೇಳಿ
ಕಂಡ ಕನಸನು ಮರೆತಿಲ್ಲ !

ಆಲದ ಪೊಟರೆಯ ಮಾತಿನ ಗಿಳಿಯ
ಚಿತ್ರವು ಇನ್ನೂ ಮಾಸಿಲ್ಲ !
ಕ್ರೂರ ರಕ್ಕಸಿ ಲೋಕ ಸುಂದರಿ
ರೂಪವ ತೊಟ್ಟುದ ಮರೆತಿಲ್ಲ !

ಸಾವಿರ ಹೊನ್ನಿನ ಮಾಯದ ಕನ್ನಡಿ
ತೋರಿದ ಬಿಂಬವು ಮಾಸಿಲ್ಲ !
ಸತ್ತೋದವರಿಗೆ ಬದುಕನು ನೀಡುವ
ಸಂಜೀವಿನಿಯನು ಮರೆತಿಲ್ಲ !

ಚಿತ್ತವ ಕಲಕುವ ಜನಪದ ಕತೆಗಳ
ಸುಂದರ ಭಾವವು ಮಾಸಿಲ್ಲ !











ಅಭಿನವ ಬ್ರಾಡ್‌ಮನ್

ಕ್ರಿಕೆಟ್ ಆಟದ ದಂತ ಕತೆಯು
ಮಾಸ್ಟರ್ ಬ್ಲಾಸ್ಟರ್ ಸಚಿನ್ !
ಕ್ರೀಡಾ ಪ್ರೀತಿಗೆ ಸಾಕ್ಷಿಯಾಯಿತು
ಕಲಕತ್ ಈಡನ್ ಗಾರ್ಡನ್ !

ಮಾಂತ್ರಿಕ ಸ್ಪರ್ಶಕೆ
ಸಂಸತ ಪಟ್ಟವು
ಕೇಪ್‌ಟೌನ್ ಸಿಡ್ನಿ ಮೆಲ್‌ಬೋರ್ನ್ !
ಪುಟಾಣಿ ಪ್ರತಿಭೆಗೆ
ಸೈ ಸೈ ಎನ್ನುತ
ಹಾಡಿ ಹೊಗಳಿತು ಲಂಡನ್ !

ಹುಡುಗನ ಹೊಡೆತದ ವೈಖರಿ ಕಂಡು
ಬೆಚ್ಚಿ ಬಿದ್ದನು ಇಮ್ರಾನ್ !
ಕನಸಲಿ ಬಂದು ಕಾಡುವನೆಂದ
ಕಾಂಗರು ಸ್ಪಿನ್ನಿಗ ಶೇನ್‌ವಾರ್ನ್ !

ಆಟಕೆ ಸ್ಫೂರ್ತಿ
ನಡತೆಗೆ ಮಾದರಿ
ಲಿಟಲ್ ಮಾಸ್ಟರ್ ಸಚಿನ್ !
ಎಂದೂ ಮುರಿಯದ
ದಾಖಲೆ ಬರೆದ
ಇವನೇ ಅಭಿನವ ಬ್ರಾಡ್‌ಮನ್!